ЗОРИЛГО, ЗОРИЛТ:

Байгаль орчны дотоод аудитыг нэг талын аудит гэж нэрлэдэг бөгөөд байгууллага нь өөрийн удирдлагын байдлыг хянах болон дотоодын бусад зорилгоор өөрөө буюу өөрийн нэрийн өмнөөс хийдэг. Энэ нь байгууллага өөрөө өөрийхөө шалгуурыг хангаж байгаа эсэхийг шалгах үндэс нь болдог.

Байгаль орчны дотоод аудитыг тухайн үйлдвэр, аж ахуйн нэгж өөрийн санаачлагаар байгаль орчны аудитын үзүүлэлтийн талаар судалгааны анхдагч мэдээлэлд тулгуурлан хийх бөгөөд тухайн байгууллага нь байгаль орчны хууль тогтоомж, төрийн бодлого, үндэсний хөтөлбөрийн биелэлт, байгаль орчны нөлөөллийн үнэлгээ, стандартын хэрэгжилтийг хянаж, сөрөг үр дагаварыг урьдчилсан байдлаар тодорхойлж дүгнэдэг.

АУДИТЫН ДҮГНЭЛТ, ЗӨВЛӨМЖ:

Байгаль орчны  аудитаар тухайн байгууллагын байгаль орчны гүйцэтгэлийн байдал, түүний үр дагаварыг урьдчилан тогтоож дүгнэлт гаргасны үндсэн дээр дор дурьдсан шийдвэрийг гаргаж болно. Үүнд:

1. Аудитын дүгнэлт нь тухайн үед мөрдөж буй байгаль орчны хууль тогтоомж, байгаль орчны нөлөөллийн үнэлгээ, стандарт, норм, дүрэм, журмаар зөвшөөрсөн хэмжээтэй нийцэж, байгаль орчны менежментээ сайн хийж байгаа тухай гарсан бол үйл ажиллагаагаа улам баталгаажуулах арга хэмжээ авах.
2. Аудитын дүгнэлтэнд тухайн байгуулагын байгаль орчинд үзүүлэх сөрөг нөлөөлөл, үр дагавар онц уршигтай бус удирдлага, зохион байгуулалтын тодорхой арга хэмжээ, хууль тогтоомжийн заалтыг хангаж байвал зохих шаардлага, биелүүлэх хугацаагаа тогтоож холбогдох хүмүүст үүрэг хариуцлагыг хугацаа зааж өгч, тодорхой нөхцөлтэйгээр хэрэгжүүлэх арга хэмжээ авах.
3. Аудитын дүгнэлтэнд үйлдвэрлэлийн үйл ажилагааны сөрөг нөлөөлөл, үр дагавар нь байгаль орчинд ноцтой уршигтай болох нь тогтоогдвол энэ талаар удирдах албан тушаалтанд мэдэгдэх, цаашид богино хугацаанд засаж залруулах, сайжруулалт хийх арга хэмжээ авах зэрэг болно.

Байгууллага нь байгаль орчны дотоод аудит хийхдээ мэргэжлийн байгууллагатай хамтрах, сургалт авах, байгаль орчны аудитор оролцуулах зэрэг мэргэжил, аргазүйн туслалцаа авч болно. Ингэж хийх нь тухайн байгууллагын байгаль орчны гүйцэтгэлийн байдал, түүний үр дагаварыг урьдчилан тогтоож бодит дүгнэлт гарах, үйл ажиллагаагаа улам сайжруулахад ач холбогдолтой байдаг.